പറപ്പൂർ സെൻ്റ് ജോൺ നെപുംസ്യാൻ ഫെറോനെ ദേവാലയത്തിൽ പുതുക്കിയ സെമിത്തേരി പുനരുത്ഥാന പൂന്തോട്ടം മാർ ബോസ്കോ പുത്തൂർ വെഞ്ചിരിച്ചു.
സെമിത്തേരിയിൽ വ്യത്യസ്ത രീതിയിൽ വ്യത്യസ്ത ഉയരങ്ങളിൽ ഉണ്ടായിരുന്ന 182 കല്ലറകൾ ഏകീകരിക്കുകയും സെമിത്തേരി പള്ളി പുതുക്കി നിർമ്മിക്കുകയും ചെയ്തു. ഒക്ടോബർ 31 വെള്ളിയാഴ്ച വൈകിട്ട് അഞ്ചിന് ജപമാലയജ്ഞത്തിന് ശേഷം മാർ ബോസ്കോ പുത്തൂരിൻ്റെ നേതൃത്വത്തിൽ വി.കുർബ്ബാനയുംശേഷം സെമിത്തേരി വെഞ്ചിരിപ്പും മരിച്ചവർക്കുള്ള ഒപ്പീസും നടന്നു.
നവംബർ ഒന്നിന് രാവിലെ 5.45 ന് ഇടവക വികാരി വെരി റവ ഫാ സെബി പൂത്തൂരിൻ്റെ നേതൃത്വത്തിൽ സെമിത്തേരി പള്ളിയിൽ തിരുകർമ്മങ്ങൾ നടന്നു. അസിസ്റ്റൻ്റ് വികാരി ഫാ.ക്രിസ്റ്റോ മഞ്ഞളി സന്ദേശം നൽകി. സെമിത്തേരി പുനർനിർമ്മാണത്തിന് നേതൃത്വം വഹിച്ച കൈക്കാരൻമാരായ എ ടി അഗസ്റ്റി, സി.ഡി. ജോസൻ , കെ എൽ സേവ്യർ, സി.പി . തോമസ്, നിർമ്മാണ കമ്മിറ്റി ഭാരവാഹികളായിരുന്ന ശ്രീ ഗ്ലെന്നി. പി.എ, ശ്രീ ആൻ്റോ സി. സി. , ഇടവകാംഗങ്ങൾ എന്നിവർക്ക് വികാരി പ്രത്യേകം നന്ദി അറിയിച്ചു.
